斯肯索普對黑池場英冠下游大戰，斯肯索普主力復出，加上坐擁主場之利，對住黑池係贏波好時機！（廣東體育周二凌晨4:00直播）
斯肯索普主力復出 一對射手比利沙柏以及基奧治先後離隊，所以斯肯索普今年英冠踢得曳係可以理解。今仗主場對住同樣濕滯黑池，絕對係反彈好時機。事關領隊艾堅斯賽前收到好消息，史柏羅、伊歷賓同靴斯三位主力趕及傷愈披甲，人腳非常完整。
對手黑池今季聯賽贏得四場波，近六場作客賽事更加係輸晒。戰績沉成咁主要原因係會方資金不足，以致季前冇引入球員加盟，領隊加利臣叫苦連天，最近又呻想離隊，對士氣有一定影響，今晚作客真係凶多吉少。