尋日睇日職煞科直播，望住浦和紅鑽對住包尾FC橫濱都贏唔到，結果冇埋聯賽冠軍，認真眼火爆，講真班波踢到冇神冇氣，真係抵佢贏唔到，亦睇得出要分心多個戰場一都唔易。
阿積士狂入波玩大 日職落幕，今晚巴甲又散場，加埋之前北歐波，馬會受注賽事買少見少，唔知緊會唔會又加開聯賽呢？講番今晚荷甲波，愛隊飛燕諾主場出擊，無論點都會例飛支持，前晚烏德勒支七比一大勝鹿特丹斯巴達展開廝殺序幕，話唔定今晚飛燕諾可以承接，再炒作客腳軟荷華高斯。至於榜首阿積士，佢歐洲足協盃出局後，唔使好似紅鑽咁搏到殘，仲愈踢愈好，入球停不了，對NAC開大機會高。（now 826周日晚9時30分直播）