|
今晚德甲比勒費爾德對拜仁慕尼黑，形勢都幾簡單，我認為拜仁經歷過周中歐協盃吃一記悶棍後，應該會知恥近乎勇，歇冬前力爭贏多幾場，以求鞏固榜首。各位如果嫌單W得1.35倍太熱，可以博有2倍「讓球客勝」！（有線62及64、中央5台周一凌晨0:00直播）
拜仁最近狀態真係有問題，近五場波只係贏過禾夫斯堡，仲要係險勝咋！雖然周中歐協盃畀布拉加以一比一逼和，但大家都唔使太過擔心，始終歐協盃玩法同歐聯唔同，分組賽五隊有三隊可以出線，所以拜仁大可以「坐定粒六」。
拜仁要炒對手振聲威
仲有喎，其實對布拉加場波，拜仁勒住唔去到盡，可能係為今晚場聯賽重整旗鼓留力！尤其今場對手比勒費爾德係目前德甲失波最多隊，踢十四場比賽，已經失三十一球，如果拜仁要大勝一場重振聲威，唔揀比勒費爾德真係對唔住自己！
比勒費爾德近十場只係贏過一場，腳下敗將咪係今季沉得交關紐倫堡囉！比勒費爾德踢唔番季初高水準不特止，似乎之前大敗一比八畀雲達不來梅陰影，一直都擺脫唔到，頹到依家。今晚遇要大勝一場向球迷交代拜仁，佢真係唔好彩喇！
頂『占』筍盤
‧拜仁慕尼黑：「讓球客勝」
|