|
雖然巴塞同皇馬已經尋晚先後登場，不過今晚西甲仍然有唔少選擇，其中最值得留意係馬略卡，佢近期不斷遇上勁旅，今仗迎戰級數次幾皮梅西亞，有權爭取兩連勝，再過埋同一時間出場基達菲主勝同薩拉戈薩平手勝，整條4.7倍「西甲三串一」都幾過癮！（開賽時間：周一凌晨0:00）
先講講主力推介馬略卡，近期佢賽程編排都幾不利，先後遇上西維爾、皇馬及華倫等實力分子，不過，唔止作客皇馬一役幾乎贏波，上場出師西維爾亦都順利補中，可見近期當弗。對手梅西亞雖然上場主場打和皇馬，但作客表現認真麻麻，今季六次客途出戰，有五場係交白卷，今晚出戰小島球隊馬略卡，都幾難全身而退，1.62倍主W值博。
利雲特作客輸晒
另一隊信心推介係基達菲，佢近期西甲主場表現相當穩定，連續三場都係贏二比○，強如巴塞隆拿都唔係佢對手，雖然歐協盃敗陣，但該仗出唔少副選，並唔能夠作準。對手利雲特話就話近四場入九球，但其實所有入球都係來自主場，作客呢？大件事囉，六場輸晒兼入得一球，唔貪心話，基達菲個1.5倍主W都幾抵玩。
維爾瓦前線死火
揀兩支主隊，最後提供客途出戰薩拉戈薩，雖然佢今季作客贏得一場咁多，但睇番對手維爾瓦，近八場聯賽只係入得一球，完全係死晒火，平手盤梗係捧近五場聯賽都有波入薩拉戈薩啦！
混合過關推介3x1
基達菲 Vs 利雲特（主客和） 主勝1.50倍
馬略卡 Vs 梅西亞（主客和） 主勝1.62倍
維爾瓦 Vs 薩拉戈薩（讓球：平手） 客勝1.93倍
全中約4.7倍
|