今日Mic少再一次邀請Benito傾意甲賽事，Benito話今日最鍾意係拖連奴，呢支都靈市球將於主場面對熱拿亞。Benito話覺得拖連奴今場會變陣出擊，改打三叉戟，預料熱拿亞應該頂唔住，故此推介拖連奴主Ｗ畀大家。Benito話歐洲現時做緊兩倍，相信香港呢邊都差唔多，賠率唔低更值博。（now 633周一凌晨３時30分直播）
拖連奴近三場賽事全部打和，而且只得一個入球，入球能力似乎唔多掂。Benito話球隊都關注到呢一點，所以練路禾連奴今次嘗試用兩個進攻中場羅仙拿及列高巴去擾亂對手防線，繼而為雲杜拿或者比積蘭奴域騰出射門空間。路禾連奴咁有心思排個靚陣出，擺到明係想晒三分。
熱拿亞兩連敗狀態差 熱拿亞今季人腳都幾齊全，但Benito就話佢球員之間默契唔夠，前鋒永遠都唔會交波畀隊友。熱拿亞近兩場連敗兼冇入球，士氣都冇埋今晚梗係唔睇好啦！