今期「孖寶半全膽」由英超賽事作主導，利物浦會晏菲路迎擊保頓，紅軍呢期火力夠晒猛，對賽往績又食住保頓，隨時會上演一場大屠殺，3:0、4:0屬重心波膽。至於尾關熱刺對伯明翰，後者雖有新官上任，但球隊近況太沉，作客重返正軌熱刺難逃一敗，2:1、3:1波膽數。
伯明翰態沉難頂熱刺 利物浦近四仗全勝兼轟入十七球，鋒力真係唔講得笑。無疑，保頓自加利麥臣接手後表現有起色，不過球隊近四次造訪晏菲路輸晒，往績處下風。值得一提，利物浦係失波最少英超隊伍，十三戰過後只失六球，乘住近期勇態加上有地利，預料可炒保頓三至四蛋。
尾關熱刺對伯明翰，伯明翰近七仗輸六場，即使新帥麥利殊幾咁有料，但住隊咁沉波都好難惡得出樣。熱刺近六仗保不敗，周中歐協盃反勝阿爾堡雖然係驚險，但對球員士氣有一定幫助，對住不擅作客伯明翰料可輕勝，2:1同3:1波膽最似樣。
