前晚足協盃波童睇住辛尼特由輸變贏再變和，已心知做唔成十一月台主，不過估唔到最後贏家係麥馬拿仁。波童唔係質疑拿仁能力，而係佢份悠然自得心境最令人敬佩，有時就係愈冇壓力、發揮得愈好，拿仁勝出絕對實至名歸。
卡昂周中補賽體力輸蝕 雖然部分名家成日《贏家》針鋒相對，其實私底下好鬼friend，周中樂比堅尼牛一，我成班名家瘋狂暢飲玩個通宵達旦，波童酒量唔算好，飲完要抖番幾日先回到魂。飲酒係消遣，所花精神唔多，如果職業球員每場比賽都要搏，周中踢多場都咪話唔辛苦，法甲卡昂周中補賽打和朗斯，今晚又要作客首都巴黎，聖日耳門主場未開齋，鬥心超強捧主W。