歐聯A組另一場賽事，由比錫達斯主場對馬賽，土耳其球隊鬥志一定好，無奈實力所限，暫時小組只贏過一場，四場比賽仲只入兩粒咁大把。而對手馬賽又唔係好有攻力，每場歐聯都係一球起兩球止。兩隊皆欠缺球能力，捧「細盤」至數。（周四凌晨3時45分開賽）
A組形勢都幾特別，除利物浦得球數字達雙位之外，其餘三隊入球都偏低。從數字上可知另外三支球隊都不擅打主攻，穩守突擊成為佢主要戰術，相信今晚比錫達斯與馬賽都唔有太大變動。尤其第二位馬賽暫時領先利物浦三分，今場大可以睇定踢，冇必要與比錫達斯鬥攻。
比錫達斯四戰一勝排包尾，今場當然要急攻求勝，但衰在球隊戰鬥力唔強，上輪歐聯更慘吞利物浦八隻光蛋，反映佢實力認真有限，好難要求佢交出大量入球。考慮到客隊亦冇必要急進搶攻，相信今場入球數字會偏低，開「細盤」機會極高。