|
華拉度列近排演出的確令力奇喜出望外，能夠先後踢和皇家馬德里同巴塞隆拿，主場戰鬥力毋庸置疑，今晚佢西班牙盃第四圈首回合對梅西亞，主勝捧得過！（開賽時間：周四凌晨3:00）
連埋上仗贏利雲特，唔經唔覺華拉度列已經四場不敗兼兩連勝，贏利雲特可以話係對手弱，但作客砌低薩拉戈薩就認真唔講得笑，如果計埋佢之前和巴塞一比一，就知呢班波真係弗得幾緊要。
梅西亞欠火力靠唔住
相反，梅西亞雖然聯賽排名高過主隊，不過近況真係唔多理想，近六戰只係贏得一場，仲要有五場冇波入。睇番個西甲聯賽榜，佢踢十二場先入得八球，相比起華拉度列十六個入波，足足少一半，咁疲弱鋒力，真係同等死冇乜分別。
仲有樣值得一提，兩班波今季聯賽已經交過手，九月尾梅西亞雖然作客大勝四比一，不過唔好唔記得呢場波，華拉度列半場未踢完已經打少兩個，結果捱到七十六分鐘，十分鐘內連失三球輸波，今次仇人見面，華拉度列仲唔趁機會有仇報仇咩！
|