|
今晚多隊名牌齊齊出場，有好波睇，揀波自然醒神。今期「過關e道」推介將會集中西甲身上，當中最值得睇好係連開兩次「7+」馬德里體育會，不過今次唔係博佢再開大，而係撐佢作客擊敗唔識入波艾美利亞。（開賽時間：周一凌晨0:00）
其實馬體會近期入球數字相當驚人，單係近五場就射入十五球，即使射手科蘭受傷，上仗對維拉利爾一樣有三球進帳，可惜防守就相當唔掂，近兩場就失七球，好彩今仗對手艾美利亞近排死晒火，近三場賽事一球都入唔到，馬體會穿窿防線應該受唔到考驗，只要保持喪攻作風，應可順利作客擊敗艾美利亞。
阿爾克馬爾今非昔比
另一場西甲精選係華拉度列主場對利雲特，筆者睇好主W可以順利開出。華拉度列今季主場雖然仲未贏過，但就先後和過皇馬同巴塞，實力真係不容忽視，上仗作客都可以擊敗薩拉戈薩，相信主場開齋都係指日可待。對手利雲特上輪先打開今季勝利之門，當然想乘勝追擊，不過佢作客認真靠唔住，五戰全敗之餘，仲淨係入得一球，今場睇怕都係捱打格。（開賽時間：周一凌晨0:00）
最後玩埋燕豪芬對阿爾克馬爾荷甲大戰，阿爾克馬爾無復當年勇係不爭事實，即使近期聯賽連勝，只係因為對手太弱，唔值得追寶尾。雖然燕豪芬前練朗奴高文離隊後兩連敗，但以佢荷甲主場五戰全勝氣勢，呢鋪面對今非昔比阿軍係時候反彈。（now826台及無收費電視26台周日晚9:30直播）
3x1主客和過關推介
燕豪芬 Vs 阿爾克馬爾 主勝1.75倍
艾美利亞 Vs 馬德里體育會 客勝2.00倍
華拉度列 Vs 利雲特 主勝1.65倍
3x1全中約5.8倍
|