|
平安夜仲有波打，四場荷甲陪你過節！睇勻四場賽事，羅賓最鍾意阿積士，作客對住遇強即散維迪斯，除往績恰死對手外，仲要搶分保住爭標希望，戰意一流，呢兩點畀到羅賓十足信心，聖誕節諗唔到送乜禮物畀朋友？咪送個客Ｗ畀佢囉！（now 826周日晚７時30分直播）
羅賓一向講荷甲斷層大，勁旅同弱旅間實力差一大截，維迪斯就係一個活生生例子，呢隊波對住中下游球隊仲有得踢，一遇前列分子就例牌投降，近三季主場對前三位球隊全敗，今季主場同暫列一、二位燕豪芬同阿爾克馬爾交手，亦係輸波收場。呢個數據顯示斷層距離太大，單靠主場優勢冇辦法拉近，今晚對住阿積士，睇亦難突破慣性。
維迪斯近九次對賽輸晒
睇完維迪斯遇強例衰數據，再睇埋往績。連同季初主場淨勝三球，阿積士近九次對住維迪斯全部贏晒，一面倒剋住對手，亦反映兩隊波實力距離。往績輸晒，對住強隊例牌腳軟，羅賓實在睇唔出維迪斯今場有乜爆冷條件！
至於阿積士方面，目前聯賽落後死敵燕豪芬八分，想重奪失落兩年冠軍，實在不容再失，因為爭標對手鮮有弱旅身上失分，如果自己再出現作客輸畀鹿特丹斯巴達呢類情況，睇怕都唔使旨意追得番。今場客Ｗ賠率唔算特別好分，但平安夜最緊要平安收錢，希望大家都過番個快樂聖誕！
|