|
歐聯十六強於上周中順利誕生，舊年世界足球先生朗拿甸奴又建奇功，對不來梅一戰非常關鍵，Peter最欣賞係佢緊張關頭照樣交到貨，呢就係王者風範，佢個罰球妙到毫巔，當一班高大不來梅球員以為係射上角，「細哨」攻其無備勁抽地波破網，盡顯足球智慧。
佐敦令細哨開竅
今年世界足球先生選舉，三個候選人當中，Peter最睇好朗拿甸奴，皆因簡拿華路只係世界盃踢得好，而施丹今年打賽事唔多，所以「細哨」絕對係實至名歸，其實早前佢都經歷過低潮，自從去美國聽波神米高佐敦一席話後，明白到球王亦會有低潮，成個人已經開竅，呢個身材、技術同頭腦兼備球員，上周中演出實在令人拍案叫絕！
博車仔1:0 2:0
講番今晚倫敦打大戰，車路士史丹福橋球場迎戰「兵工廠」阿仙奴，客軍今場失去攻守命脈，防線大將高路托尼與攻擊靈魂亨利同時缺陣，實力大打折扣。另一方面，車路士兩個新援舒夫真高及波歷克漸漸融入球隊，兩軍此消彼長下，主隊可謂佔盡優勢。由於「兵工廠」形勢較弱，今場打法會較為保守，車路士小勝機會好高，可敲1:0同2:0波膽。
是日金句
「細哨」明白到球王亦會有低潮，成個人開竅！
|