|
歐聯分組賽結束，要到明年二月先進行十六強，今屆歐聯大部分名牌都能過關，畢竟依家足球賽事係由金錢堆砌出來遊戲，晉級關乎數以億計收入，大球會自然不敢怠慢。講到分組賽最後一輪賽事，最有大戰氣氛當然係巴塞隆拿對雲達不來梅，呢場波鬥得咁激，兩隊隨時有「大戰後遺症」，今晚回師聯賽讓得多相當牙煙，肥叔另一場重心係近期狀態回勇紐卡素（六）16。
雲達不來梅（六）11周中作客魯營球場，落敗可謂技不如人，球員亦盡最大努力，呢隊波習慣歐聯前唔留力，上場聯賽就大勝哈化柏林三比一，但今場要作客對近況甚佳法蘭克福，隨時將之前積埋問題一次過爆發出，今場不來梅讓半一，下盤法蘭克福有保障。
至於巴塞隆拿（六）54球員狀態無疑非常好，今場同對手皇家蘇斯達實力亦有距離，但巴塞讓兩球盤口太辣，補多個大盤進可攻、退可守，隨時可雙殺。
屈福特當決賽踢
英超方面，肥叔最睇好紐卡素（六）16。紐卡素經過季初低潮後，近期已全面回勇，周中反勝雷丁三比二，計盤路連贏七場盤，肥叔最鍾意揀一反敗為勝球隊，因為唔單止贏波全取三分，仲贏埋士氣同鬥志，賈其餘勇定必可乘勝追擊。
紐卡素呢支老牌球會無論規模同人腳都屬於英超一線尾、二線頭，依家僅排聯賽十五位，無論高層、領隊或球迷一定唔會滿意，短期內會有好大進步空間，作客布力般流浪受讓平半，最少可保不敗。另一場升班馬大戰，包尾屈福特（六）21當今場決賽咁踢，如果主場連沙煲兄弟雷丁都贏唔到，今季一定冇希望，平手盤唔捧等幾時？
|