今晚德乙幾支前列球隊分途出擊，其中「進攻王」卡爾斯魯厄會坐鎮主場迎戰奧厄。奧厄雖然取得四連勝，不過對手大部分都係積分榜下游球隊，戰績缺乏說服力，今次面對聯賽「老二」卡爾斯魯厄，睇怕都幾難再惡出樣，卡爾斯魯厄「主勝」最用過關。
凱沙1860勝算高 由於勁敵羅斯托克前晚贏波，令卡爾斯魯厄暫時讓出榜首之位，以卡軍今季雄心，當然唔會甘心屈居對方之下，今場點都要番三分重上榜首。事實上，卡爾斯魯厄唔單止實力德乙數一數二，而且係少有冇球員受傷或停賽球隊，今場可以全力出擊。
反觀奧厄，今場就面對嚴重傷兵問題，尤其係失去主力「士哥拿」希爾拿，令入波本錢大減。加上奧厄上季作客卡爾斯魯厄，以二比五慘敗而回，心理上亦較蝕底。
另一場凱沙羅頓「客勝」亦係關爺心水之選，皆因對手只係魚腩布倫瑞克，呢支包尾大幡近七場聯賽未贏過，當中輸五場，睇佢個勢仲有排衰。至於1860慕尼黑攻力得到改善後，近期成績亦反彈，今場作客只係讓安達赫治平半，關爺梗係撐1860「上盤」。
