葡超本輪壓軸賽事，由艾馬多拉主場對比蘭倫斯。艾馬多拉屬於魚腩，暫時積分榜排尾二，今場雖然有地利之助，但始終實力太弱難寄厚望。比蘭倫斯今季留級成功打爭氣波，遇弱旅必把握取分機會，平手盤捧客隊比蘭倫斯可立不敗之地。（周二凌晨3時45分開賽）
艾馬多拉近幾季多數都次級聯賽打滾，直到○五至○六年球季先上葡超角逐，上季以第九名過終點算合格。不過，今季艾馬多拉唔能夠堅持落去，踢九場聯賽都係贏過一場咁多，最慘係九場賽事僅入三球，入球數字葡超排包尾。
入球對於艾馬多拉講係一種奢侈品，今日有主場都未必可以攻破比蘭倫斯大門。
往績食住艾軍 比蘭倫斯實力雖非突出，但暑假在足總作出上訴，成功保留葡超席位後，球員大打爭氣波，希望證明畀人睇球隊係有足夠能力留級葡超，難怪今季可以成為葡超最佳鬥志球隊。
除有鬥志外，比蘭倫斯對賽往績都有支持點，對上五次艾馬多拉主場對比蘭倫斯，前者兩和三負未贏過，巨高信攤路，捧平手盤高水比蘭倫斯。
