| 阿祖安麒:國體會坐和望贏 |
| 更新时间：2006-7-29 |
|
|
南美自由盃四強首回合由巴拉圭利伯泰迪，主場硬撼巴西實力分子國際體育會，平手盤可以考慮一下客軍。事關利伯泰迪有首席門神保巴迪拿離隊，後防有隱憂下軍心難免受到動搖，今仗國際體育會可以話係坐和望贏！（開賽時間：周五早上8:45）
之前都介紹過，今屆賽事大熟大勇巴拉圭門神保巴迪拿受到阿根廷勁旅小保加垂青，踢埋上仗八強次回合賽事之後已經過檔。冇呢位今屆十場僅失六球首席門神把關，今場利伯泰迪可能要被迫起用仲未於今屆賽事亮過相二號門將干沙利斯上陣，你話利伯泰迪邊有可能無後顧之憂？一個唔覺意畀對方先入一球，利伯泰迪後防唔震過貓王就有鬼！
另一方面，今次係利伯泰迪首次淘汰賽遇上先主後客情況，之前兩輪淘汰賽佢都係先客後主，而且首回合作客保持不敗，呢一點對於次回合主場發揮有明顯幫助。今場佢主場出師率先迎戰，能否保持過往水準亦令人憂慮。
|
相反國體會已經連續三輪先作客，有晒經驗自然更加值得信賴。事實上，國體會今季於聯賽及自由盃作客十六仗只逢兩敗，其中聯賽敗於青年人腳下，好明顯係為留力應付對利加大學八強次回合生死戰。由此可見國體會一方面作客能力極高，加上對南美自由盃極度重視，今仗絕對有力坐和望贏，平手盤確係信心之選。
|
|
| |
|
|
|