除術數，我亦可以睇睇歷史宿命，法國呢方面就死唔晒。法國大賽決賽從未失手，包括八四年、○○年歐洲國家盃，同埋九八年世界盃，法國都能成功贏波捧盃，呢鋪就唔知喇。
<P> 亨利有個人獎惠及球隊
法國近五次於國際賽對意大利從未輸過，其中兩次係世盃決賽周，八六年十六強贏二比○，九八年八強射贏十二碼，至於最近一次亦係最經典一次，就係○○年歐國盃決賽，法國完場前入波逼和意大利，然後加時以黃金入球反勝。
從球員個人角度睇，法國射手亨利今年第三度榮膺英格蘭足球先生，對上兩次亨利到呢個獎項都有隊際錦標落袋，○三年同○四年阿仙奴先後足總盃同聯賽冠軍，而今次世界盃好可能就係亨利今年最後機會。
亨利力阿仙奴雖然今屆歐聯決賽飲恨，不過對法國講卻未必係壞事，因為近屆世界盃年歐聯決賽，輸波隊球員去到世盃決賽都有捧盃命，九四年巴塞隆拿巴西前鋒羅馬里奧、同埋九八年祖雲達斯法國球王施丹都係當中例子，今次唔知會唔會輪到亨利發威呢？
|