葡萄牙同法國雖然今場先係佢第一次在世界盃決賽周碰面，不過雙方曾經在其他賽事留下唔少牙齒印。從中更可發現法國係葡萄牙最大剋星，加上一系列宿命論全部對法國有利，莫非葡萄牙今場係咁先？

　　往績「法」力無邊

　　宿命1 

　　雙方對賽往績上，法國佔有壓倒性優勢，佢近六次同葡萄牙交手都贏晒，而最近一次更在熱身賽中以四比○大勝。不過最值得留意係兩場歐洲國家盃賽事，因為一呢兩場波係正式大賽，二兩場咁都係四強賽事。雖然兩軍在這兩場比賽九十分鐘法定時間內，都踢成一比一平手，不過法國在加時皆能擊敗葡萄牙進身決賽，而且最後都可以捧盃而回。法國今次再於四強面對葡萄牙，可以話係一個吉兆。 

　　皇馬「Ace」難逃施丹魔掌

　　宿命2 

　　施丹回勇絕對係法國可以殺入四強主因，呢位中場球員盤、扭、控、射技術固然犀利，不過佢最大殺�灯鋵崅S擁有剋死「皇馬七條Ace」�魃衿媪α俊�法國在十六強淘汰西班牙，魯爾成為第一條犧牲「Ace」，到�薨藦娒鎸Π臀鳎�再將朗拿度同卡路士兩條「Ace」送返屋企，施丹連續踢走三條「Ace」，簡直係唔熟唔食。今場葡萄牙陣中費高雖然已經轉投國米，但佢曾經都係皇馬其中一條「Ace」，而且形象深入民心，絕對無法置身事外，睇怕佢今場難以逃出施丹魔掌。 
亨利英格蘭威完例捧盃

　　宿命3 

　　除施丹之外，法國仲有一位福星坐鎮，就係亨利。翻查番紀錄，原來只要亨利當選英格蘭足球先生，佢在該季就有盃捧。呢位前鋒在○三年首次成為英格蘭足球先生，佢力阿仙奴就奪得足總盃冠軍。翌年，亨利蟬聯呢項殊榮，「兵工廠」更加以全季聯賽不敗姿態成為英超盟主。亨利今年又再當選英格蘭足球先生，雖然阿仙奴四大皆空，但唔代表亨利冇機會捧盃，世界盃就係應驗呢個定律�髯钺釞C會，以此推論，法國唔單止可以打入決賽，仲有望捧盃。 

　　外籍領隊冇運行

　　宿命3 

　　葡萄牙相隔四十年再次進身世界盃四強，巴西籍領隊史高拉利居功至偉，不過佢同時亦係球隊今場波最大不利因素，因為今屆世界盃幾支聘用外籍著名領隊球隊都冇運行，例如由薛高帶領日本，艾禾卡特執南韓完全踢唔番上屆水準，在分組賽出局。而澳洲在補時被判罰十二碼，證明連神奇領隊希丁克法力都失效。加上由阿根廷人拿禾比執墨西哥，以及瑞典人艾歷臣帶領英格蘭先後在十六強及八強被淘汰。以每個階段皆有由外籍領隊執球隊出局，今次就輪到四強之中唯一聘用外籍領隊葡萄牙。