| 非道:前鋒夠硬粉碎紅鑽 |
| 更新时间：2006-7-25 |
|
|
川崎前鋒日職休戰兩個月之後仍能保持榜首優勢，新星谷口博之上場更加梅開二度，狀態大勇，今戰佢主場同浦和紅鑽展開一場榜首大戰，牌面佔晒上風。依家排第三名浦和紅鑽表現回落，加上主力倦勤令球隊戰力大減，今場作客挑戰強勢前鋒，紅鑽難以樂觀。（開賽時間︰周六晚6:00）
川崎前鋒今季在主場未逢一敗，上場贏完鹿角之後主場已經四連勝，至於上場連入兩球谷口博之，今季已經入六球，唔講清楚佢係後話，大家都以為佢係射手添！家陣連日本國家隊緊都要吼實佢表現，呢場谷口在公在私都肯定會繼續搏命踢好。川崎前鋒除近況好之外，佢對紅鑽有往績支持，近三次主場對紅鑽都能保持不敗，而且最近兩場都順利贏盤，今場有望乘勝追擊。
至於紅鑽今場形勢就唔係咁好，三線皆有主力外援受傷缺陣，戰力大打折扣，當中以射手華盛頓對球隊的影響最大，這位射手今季差不多包辦了紅鑽的一半入球，冇佢前線衝鋒陷陣，加埋中場核心邦迪亦因傷倦勤，紅鑽殘陣作客未必攻得破主隊防線。
紅鑽早前被前鋒日聯盃淘汰出局，上場更大熱倒灶作客不敵天鵝，令佢聯賽作客三連敗，士氣一定唔及對手。加上紅鑽連輸兩場亞洲盤，上次交手受讓前鋒平半亦要輸波損手離場，今次開出平手盤更難令人投下信心一票，呢場捧前鋒平手勝都幾穩陣。
|
|
| |
|
|
|